મનની વાત

મનમાં હતી જે વાત કોને કહું?

સુની લાગે કેમ રાત કોને કહું? 

પૂછ પૂછ તો સૌ કોઈ કર્યા કરે છે પણ 

સાંભરે ના કોઈ જવાબ, તો કોને કહું? 

કર્યો છે બદનામ જે રીત થી દુનિયા એ,

નથી આદમી એટલો હું ખરાબ, કોને કહું? 

રંક ગણી બેઠા મને મારી એક હાર પર,

હતો હું પણ એક નવાબ, કોને કહું?

મીલનનુ એ દ્રશ્ય હજી તાજુ છે આંખમાં,

કોના જોયા હતા ખ્વાબ, કોને કહું?

મયખાના  નો અર્થ પણ ન્હોતો ખબર આમતો,

પીતો થયો હોઈશ કેમ શરાબ, કોને કહું?

~ મહેશ ચૌધરી, “રાહી”

આ ગામ આપણું.

વર્ષોથી તરસ્યા હ્રીદય ને આજ 

દઈ ગયું એક જામ, આ ગામ આપણું.

છે વડ વિશાળ એક ને ઘટા એની અંધારી

લે સવ જ્યાં કાલીનું નામ, આ ગામ આપણું. 

પ્રભાતે લે સવ રામ નું નામ ને ભજન ગુંજે

જ્યાં થાતા શામ, આ ગામ આપણું.

શહેર ની ભીડમાં બેચેન બની મન 

ચહે જે એકજ ઠામ, આ ગામ આપણું.

છુ ઉભો આજ ગામ ભાગોર ને જોવું છુ

ફરી એ દેવોના ધામ, આ ગામ આપણું.

~ મહેશ ચૌધરી, “રાહી”